Ken iyol i iyolough ne yô, ka akaa ahar tseegh aa fatyô u zuan a ishimavihin man msaanyol ye. Ka uma man Aôndo je la. Mhen wase man ashe ase man nombor wase man ato ase man ityough yasegh man ikyav yasev man akaa agen cii ka ikyav mbi tomov mbi uumace ve eren tom a mi yô. Ka i zua a kwagh u dedoo shin u bo ga. Ikyev mbin ka ikyav mbi uma mbi eren tom a mi u nengen a kwagh u dedoo man u bo yô. Akaa a eren tom er ishe man ityough man ato man mhen man akaa agen nahan nga a mfe ga. Ngu er akaa a lun uma ga nahan. Akaa a a lu uma ga la aa fatyô u lun a mlu u dedoo man u bo ga. Doo u se kaa ser mngerem ma hingir saan saan ga, sha ci u mngerem ka kwagh u lun uma ga; ngu a mfe u nengen a kwagh u dedoo man u bo ga. Nahan doo u se kaa ser mhen wam ngu saan saan ga. Gadia mhen ka ikyagh ki tomough ki wasen se. Tool ka a nenge a kwagh ga.
Iyou i uumache ve maa, i i er sha mngerem man simenti man akaa agen yô Iyou ka i zua a kwagh ga sha ci u ka kwagh u a lu uma ga yô. Or u nan lu hen ya la ka nan nenge a akaa a dedoo man a bo kpaa. Nahan Aôndo er iyou i cuku sha ci wase ér se lu ker, i yilan i ér iyol i orumace. Iyol i orumace ia kera zua a kwagh ga. Uma u a lu ken iyol la una fatyô u zuan a msaanyol man ishimavihin. Nahan gba u se fa ser ka uma tseegh a lu a mfe u or nana zua a mi ye. Akaa nga ken iyol i orumace, er ave nahan, a aa wase uumace yô. Nahan ikyav mbi tomov mbi a kera nenge a kwagh ga. Ka sea vaa yô, ashe ase a haa mngerem, ka gilasi wase ga.